Навіны

“Хатынь – святыня нацыянальнай памяці”: навукова-практычны семінар на філалагічным факультэце

12-11

10 красавіка 2018 г. на філалагічным факультэце адбыўся навукова-практычны семінар, прымеркаваны да 75-годдзя з дня трагедыі беларускай вёскі Хатынь. Мэтай семінара з’яўлялася выхаванне грамадзянскасці і патрыятызму маладога пакалення шляхам звароту да трагічных старонак беларускай гісторыі.

У семінары прынялі ўдзел студэнты, магістранты, выкладчыкі, куратары вучэбных груп. Усе прысутныя на мерапрыемстве ўшанавалі памяць загінуўшых старых, жанчын і дзяцей, якія згарэлі ў Хатыні, Хвілінай маўчання. Са змястоўнымі, глыбокімі і актуальнымі на сучасным этапе развіцця гістарычнай навукі дакладамі выступілі студэнты спецыяльнасці “Гісторыя і грамадазнаўчыя дысцыпліны”: “Хатынь і яе сёстры. Трагедыя і памяць” (Арцюшка М.А.), “Мемарыяльны комплекс Хатынь: гісторыя стварэння” (Жук П.С.), “З попелу гісторыі: Успаміны відавочцаў Хатынскай трагедыі” (Петрушэнка І.С.), “Карныя аперацыі вермахта і іх вынікі на тэрыторыі Беларусі” (Стома В.С.).

Падрабязней...

Прафесар Шапялевіч В.В. прачытаў курс лекцый для студэнтаў ГДУ імя Ф. Скарыны

11-04-1

У рамках Дагавора аб супрацоўніцтве паміж УА “Гомельскі дзяржаўны ўніверсітэт імя Ф. Скарыны” і УА “Мазырскі дзяржаўны педагагічны ўніверсітэт імя І.П. Шамякіна” 27 сакавіка 2018 года Шапялевіч В.В., загадчык кафедры тэарэтычнай фізікі і прыкладной інфарматыкі, доктар фізіка-матэматычных навук, прафесар, прачытаў курс лекцый для студэнтаў факультэта фізікі і інфармацыйных тэхналогій, якія навучаюцца па спецыяльнасці “Фізіка (па накірунках)”.

Васіль Васільевіч расказаў аб методыцы выкарыстання наглядных дэманстрацый на ўроках фізікі ў сярэдняй школе і пра навуковую школу “Кагерэнтная оптыка і галаграфія ў фотарэфрактыўных крысталах”.

Лекцыі прафесара Шапялевіча В.В. выклікалі вялікую цікавасць у студэнтаў, яны з захапленнем слухалі, задавалі мноства пытанняў прафесару.

 

Чэмпіянат Мазырскага раёна па баскетболе

13-1

2–6 красавіка 2018 года праходзіў чэмпіянат Мазырскага раёна па баскетболе сярод навучальных устаноў.

Жаночая зборная каманда УА МДПУ імя І.П. Шамякіна заняла 1 месца, мужчынская зборная каманда заваявала 3 месца.

Зборныя каманды па баскетболе трэніруе выкладчык кафедры фізічнага выхавання і спартыўных дысцыплін Бараноўскі Уладзімір Мікалаевіч.

Падрабязней...

Сусветны дзень здароўя вачыма валанцёраў

10-1-1

Сусветны дзень здароўя (World Health Day) адзначаецца штогадова 7 красавіка ў дзень стварэння Сусветнай арганізацыі аховы здароўя ў 1948 годзе (World Health Organization, WHO).

На базе ўстановы адукацыі “Мазырскі дзяржаўны педагагічны ўніверсітэт імя І.П. Шамякіна” створаны валанцёрскі цэнтр “Твары Дабро”, які аб’яднаў дзейнасць валанцёрскіх атрадаў усіх факультэтаў. Адным з накірункаў дзейнасці з’яўляецца фарміраванне здаровага ладу жыцця студэнцкай моладзі.

Тэмай кампаніі па правядзенні Сусветнага дня здароўя 2018 года з’яўляецца прафілактыка і лячэнне дэпрэсіі.

9 красавіка 2018 года валанцёрскія атрады кожнага факультэта паказалі сваё бачанне дадзенага пытання, прадэманстраваўшы яго на інфармацыйна-інтэрактыўнай пляцоўцы.

Падрабязней...

Не жорсткасці і гвалту ў сям’і

09-1

З 02.04 па 06.04.2018 года ва ўстанове адукацыі “Мазырскі дзяржаўны педагагічны ўніверсітэт імя І.П. Шамякіна” праходзіў прафілактычны тыдзень “Не жорсткасці і гвалту ў сям’і”, асноўнай мэтай якога было заахвочванне ўвагі супрацоўнікаў і студэнтаў універсітэта да праблемы дамашняга гвалту і сучаснага рэагавання ў дадзенай сітуацыі.

Тыдзень стартаваў з наведвання студэнтамі-валанцёрамі фізіка-інжынернага факультэта ДУА “Сацыяльна-педагагічны цэнтр г. Мазыра”. Валанцёры правялі гульнёвае мерапрыемства “Казкі ажываюць”, а таксама ўручылі памятныя падарункі ў выглядзе кніг. Мерапрыемства таксама было прымеркавана да Міжнароднага дня дзіцячай кнігі і да дня нараджэння дзіцячага казачніка Х.К. Андэрсана (2 красавіка).

Спецыялістамі СППС сумесна з прафкамам студэнтаў універсітэта і ПА ГА “БРСМ” была арганізавана і праведзена агульнаўніверсітэцкая акцыя “Сіняя стужка красавіка”. Усе ўдзельнікі атрымалі магчымасць пакінуць свой адбітак на плакаце “Гэтая рука ніколі не ўдарыць дзіця!”, набыць сінюю стужку, салодкія прысмакі і азнаёміцца з інфармацыйнымі матэрыяламі.

Падрабязней...

Дадатковая інфармацыя