Навіны

“Філалагічны факультэт – школа”: новыя аспекты супрацоўніцтва

 
 
 

  На філалагічным факультэце існуюць даўнія традыцыі ўзаемадзеяння і творчага супрацоўніцтва з установамі адукацыі горада Мазыра. Адным з этапаў забеспячэння пераемнасці “школа – вну” стала ўрачыстае адкрыццё філіяла кафедры беларускай і рускай філалогіі УА МДПУ імя І.П. Шамякіна, у якім прынялі ўдзел: дырэктар ДУА “Сярэдняя школа № 1 г. Мазыра” Перапечына Н.Ф., дэкан філалагічнага факультэта Ісмайлава Л.В., загадчык кафедры беларускай і рускай філалогіі Кураш С.Б., загадчык кафедры гісторыі і МВГ Сымановіч Т.М., дацэнты кафедры беларускай і рускай філалогіі Татарынава Т.І., Кузьміч У.В., старшы выкладчык кафедры беларускай і рускай філалогіі Судзібор І.Л., старшы выкладчык кафедры сацыяльна-гуманітарных дысцыплін Мілаш Г.А. Былі разгледжаны асноўныя накірункі і перспектывы супрацоўніцтва філалагічнага факультэта і ДУА “Сярэдняя школа № 1 г. Мазыра”.

Падрабязней...

VII Рэспубліканскі студэнцкі форум

12–14 мая студэнты нашага ўніверсітэта прынялі ўдзел у VII Рэспубліканскім студэнцкім форуме на базе Гомельскага дзяржаўнага тэхнічнага ўніверсітэта імя П.А. Сухога. Дадзены форум праходзіць у Рэспубліцы Беларусь пры падтрымцы дабрачыннага італьянскага фонду “Дапаможам ім жыць” з 2010 года. Місія, якой прытрымліваюцца арганізатары форума, – аб’яднанне намаганняў італьянскіх сем’яў і беларускіх студэнтаў у рэалізацыі гуманітарных акцый на карысць дзяцей, якія патрабуюць увагі. У гэтым годзе ўдзельнікамі форума стала каля 150 студэнтаў з вну Беларусі.

Падрабязней...

Дыялог пакаленняў

12-4-110 мая ў рамках рэспубліканскага праекта “Кветкі Вялікай Перамогі” на базе УА МДПУ імя І.П. Шамякіна адбыўся дыялог пакаленняў на тэму “Героі Мазыршчыны”. Спікерамі на дадзеным мерапрыемстве выступілі аўтары кнігі “Мазыршчына ў гады Вялікай Айчыннай вайны”: Аляксандр Рыгоравіч Бобр (старшыня Мазырскай раённай ветэранскай арганізацыі) і Таццяна Ануфрыеўна Нікіціна (намеснік старшыні ветэранскай арганізацыі работнікаў універсітэта).

Падрабязней...

Гімназія – універсітэт

25-4-1У красавіку 2017 г. на базе ўстановы адукацыі “Гімназія імя Я. Купалы” адкрыты філіял кафедры педагогікі і псіхалогіі.

Філіял – гэта навукова-метадычная база тэхнолага-біялагічнага факультэта УА МДПУ імя І.П. Шамякіна і ДУА “Гімназія імя Я. Купалы”. Ён створаны для павышэння якасці прафесійнай падрыхтоўкі будучых спецыялістаў, рэалізацыі сумесных даследчых праектаў, правядзення сумесных мерапрыемстваў.

Падрабязней...

Дзень донара ва ўніверсітэце

3 мая 2017 года студэнты УА “Мазырскі дзяржаўны педагагічны ўніверсітэт імя І.П. Шамякіна” прынялі ўдзел у акцыі самаахвотнага донарства, якая прайшла на базе станцыі пералівання крыві г. Мазыра. У гэтым годзе адбылася ўнікальная акцыя, паколькі ўдзел у ёй прынялі толькі студэнты-першакурснікі. Шэрагі самаахвотных донараў нашага ўніверсітэта папоўнілі 22 навучэнцы, якія ўпершыню ў гэты дзень выканалі гуманную місію ў імя выратавання хворых альбо тых, хто перажыў катастрофы, нованароджаных альбо будучых маці. Кроў – гэта самае каштоўнае з таго, што чалавек можа даць іншаму чалавеку, гэта дар жыцця.

Выказваем удзячнасць усім, хто не застаўся абыякавым і прыняў удзел у акцыі!

 

Дадатковая інфармацыя