Навіны

Практыкум-семінар з навучэнцамі ДУА “Гімназія г. Калінкавічы”

29-1-11

На кафедры фізікі і матэматыкі адбыўся практыкум-семінар з навучэнцамі ДУА “Гімназія г. Калінкавічы”. Загадчык кафедры, доктар тэхнічных навук, прафесар Савенка У.С. прадэманстраваў вучням актуальныя фізічныя эксперыменты і расказаў, з выкарыстаннем інтэрактыўных сродкаў навучання, пра тэарэтычныя аспекты з’яў: “Электраправоднасць цвёрдых целаў”, “Паўправадніковыя з’явы”, “Магнітнае поле”. Навучэнцам была прадастаўлена магчымасць самастойна паставіць эксперымент, пабудаваць графікі і абмеркаваць атрыманыя вынікі.

Як паказаў вопыт работы з адоранымі навучэнцамі, форма правядзення заняткаў у выглядзе практыкуму-семінара матывуе і выклікае цікавасць у школьнікаў.

“Універсітэцкая субота” на фізіка-інжынерным факультэце

27-1-3

17.03.2018 ва ўстанове адукацыі “Мазырскі дзяржаўны педагагічны ўніверсітэт імя І.П. Шамякіна” ў рамках асветніцка-адукацыйнага і прафарыентацыйнага праекта “Універсітэцкія суботы” пад кіраўніцтвам доктара фізіка-матэматычных навук, прафесара кафедры фізікі і матэматыкі Кулака Генадзя Уладзіміравіча адбылася аглядавая лекцыя па оптыцы для навучэнцаў 10–11 класаў сярэдніх агульнаадукацыйных школ №№ 5, 6, 10, 12 г. Мазыра.

Падрабязней...

“Універсітэцкія суботы” на тэхнолага-біялагічным факультэце

27-08

На тэхнолага-біялагічным факультэце 17.03.2018 адбыліся мерапрыемствы, прымеркаваныя да рэспубліканскага праекта “Універсітэцкія суботы”.

Удзельнікі праекта “Універсітэцкія суботы” падрыхтавалі экскурсіі па лабараторыях, майстэрнях і вучэбных кабінетах тэхнолага-біялагічнага факультэта, майстар-класы па розных відах дэкаратыўна-прыкладнога мастацтва і тэхнічнай творчасці, практыкумы па хіміі і біялогіі, а таксама выставу лепшых творчых работ студэнтаў і паказ калекцыі дызайнерскага жаночага адзення, распрацаванага і вырабленага рукамі студэнтаў.

Падрабязней...

Інфармацыйна-прафілактычная сустрэча

23-03-3

21 сакавіка на базе Ідэалагічнага цэнтра ўніверсітэта было праведзена інфармацыйна-прафілактычнае мерапрыемства, накіраванае на недапушчэнне прыцягнення студэнцкай моладзі да ўдзелу ў супрацьпраўнай дзейнасці.

Перад супрацоўнікамі і студэнтамі ўніверсітэта выступіў Васяновіч Ю.А., супрацоўнік Мазырскага РАУС, які асвятліў пытанні заканадаўчай адказнасці, звязанай з незаконнымі дзеяннямі ў адносінах да выбуховых рэчываў і прылад.

Начальнік ІДН Мазырскага РАУС Каваленка В.М. адзначыў асноўныя правапарушэнні, якія здзяйсняюцца студэнцкай моладдзю, а таксама расказаў пра правапарушэнні, звязаныя з выкарыстаннем сеткі Інтэрнэт.

Падрабязней...

Валанцёрства

16-111-3

20 сакавіка 2018 года студэнты факультэта фізічнай культуры 3 курса 2 групы (Мінчык Крысціна, Буцькавец Аляксандр, Яраховіч Ангеліна, Фёдараў Дзмітрый) пад кіраўніцтвам старшага выкладчыка кафедры тэорыі і методыкі фізічнага выхавання Нічыпорка Н.М. у рамках вывучэння дысцыпліны “Адаптыўная фізічная культура” правялі гульнёвыя заняткі ў МТЦСАН.

Заданні студэнтамі былі адабраны так, каб з дапамогай сродкаў адаптыўнай фізічнай культуры прадаставіць кожнаму ўдзельніку заняткаў шанец рэалізаваць свае творчыя і фізічныя магчымасці і дасягнуць пэўных вынікаў.

Падрабязней...

Дадатковая інфармацыя