Сузор’е моўных культур: літаратурна-музычны фестываль на філалагічным

Подробности: Опубликовано 24.02.2017 11:56

24-02-1

О роднае слова –
Званочак радзімы…
А. Малюк

Язык, великолепный наш язык.
Речное и степное в нём раздолье…
К.Д. Бальмонт

21.02.2017 на філалагічным факультэце адбыўся літаратурна-музычны фестываль “Сузор’е моўных культур”, прысвечаны Міжнароднаму дню роднай мовы. Гэтае свята, заснаванае ў 1999 годзе рашэннем 30-й сесіі Генеральнай канферэнцыі ЮНЭСКА, накіраванае, у першую чаргу, на садзеянне моўнай і культурнай разнастайнасці і шматмоўнасці. Родная мова – гэта душа і гісторыя народа, яго жывая памяць і спадчына. Тысячы гадоў яна стваралася многімі пакаленнямі нашых продкаў, і кожнае слова ў ёй – нібыта часцінка чыстага золата!

24-02-1 О роднае слова –
Званочак радзімы…
А. Малюк

Язык, великолепный наш язык.
Речное и степное в нём раздолье…
К.Д. Бальмонт

У нашым універсітэце навучаюцца студэнты розных нацыянальнасцей: беларусы, рускія і ўкраінцы, туркмены і азербайджанцы, грузіны і ўзбекі, пакістанцы. Усе яны любяць сваю мову, ганарацца ёй. Бо для кожнага з нас мова – гэта ўнікальны свет, напоўнены асаблівым гучаннем.

Фестываль быў адкрыты прывітальным словам загадчыка кафедры беларускай і рускай філалогіі Сяргея Барысавіча Кураша, які павіншаваў усіх са святам і падкрэсліў значнасць міжмоўнага ўзаемадзеяння і зносінаў у сучасным свеце. Звяртаючыся да студэнтаў, ён працытаваў вялікага рускага класіка А.П. Чэхава: “Колькі моў ты ведаеш – столькі ты чалавек!”.

Людміла Васільеўна Ісмайлава, дэкан філалагічнага факультэта, адзначыла, што Міжнародны дзень роднай мовы стаў традыцыйным святам на нашым факультэце, але ўпершыню ў гэты дзень фестываль аб’яднаў цэлы свет родных моў у яркае сузор’е. Такія святы садзейнічаюць развіццю і росквіту моў і культур, іх узбагачэнню, дасягненню згоды і ўзаемаразумення паміж людзьмі.

У мерапрыемстве прынялі ўдзел рэктар УА “МДПУ імя І.П. Шамякіна” В.В. Валетаў, першы прарэктар В.С. Болбас, прарэктар па выхаваўчай рабоце С.М. Шчур, выкладчыкі і студэнты філалагічнага факультэта, настаўнікі і навучэнцы ўстаноў адукацыі г. Мазыра і г. Калінкавічы. Галоўным рэжысёрам і душой праекта стала старшы выкладчык кафедры беларускай і рускай філалогіі, намеснік дэкана па выхаваўчай рабоце Судзібор Ірына Леанідаўна.

Вядучыя фестывалю – Назараў Іззат, Карпава Ксенія, Кавалёў Ян – паглыбілі гасцей свята ў атмасферу культурнага і моўнага адзінства, творчасці і стварэння.

Студэнтамі філалагічнага факультэта былі прадстаўлены творчыя праекты, прысвечаныя іх нацыянальным мовам:

«Роднае слова – званочак Радзімы» (Койдан Т., Куніцкая Т., Отчык В., Пінчук Л.)
«Öne dine öne jan watanym Тurkmenistan!» (Наперад, Туркменістан!) (Ягмурава У., Пігамаў Р., Аразбердыева Ш., Гелдысахедова М., Джангелдзіева Ш., СейткуліеваШ., Алламурадава Н., Аннаева Г.і інш.)
«آپ سے مِل کر خوشی ہوئی۔ » (Я рад сустрэчы з вамі!) (Назараў І., Ібрагімава А., слухачы падрыхтоўчых курсаў, Ісламская Рэспубліка Пакістан – Абрар, Алі, Анам, Арса)
«Язык, великолепный наш язык» (Кавалёў Я., Карпава К., Шырко., Рафальская В., Карпава Г.)

Удзельнікам праекта «Роднае слова – званочак Радзімы» стаў выпускнік філалагічнага факультэта, вядомы паэт Палесся В. Андрыеўскі. Ён прачытаў свае вершы, у якіх уславіў родную беларускую мову, класікаў Беларусі Якуба Коласа, Янку Купалу, Максіма Багдановіча, наш універсітэт і любімы філалагічны факультэт.

Студэнты з сонечнага Туркменістана прадставілі сваю багатую культуру і родную мову. Захопленымі апладысментамі зала прыняла нацыянальны туркменскі танец.

Госці з Ісламскай Рэспублікі Пакістан пазнаёмілі ўсіх з адной з самых старажытных сусветных моў – урду. У выкананні Абрара прагучала лірычная кампазіцыя на роднай мове.

Удзельнікі праекта «Язык, великолепный наш язык» паглыбіліся ў свет майстроў залатога і сярэбранага стагоддзяў (А.С. Пушкін, К.Д. Бальмант, М.І. Цвятаева), звярнуліся да слова творцаў рускай мовы (М.В. Ламаносаў) і нашых сучаснікаў (Я. Яўтушэнка). Дацэнт кафедры беларускай і рускай філалогіі Кузьміч У.В. выканаў песню “Зіма” на вершы Д. Самойлава.

Заключным акордам фестывалю стала песня “Трава ля дома” ў выкананні Яна Кавалёва, якая аб’яднала студэнтаў, якія гавораць на розных мовах, у вялікую дружную сям’ю – філалагічны факультэт.