Стартаваў сацыяльны праект “Будучыня пачынаецца сёння!”

Подробности: Опубликовано 01.12.2017 09:26

Кафедра педагогікі УА БДПУ імя М. Танка запускае новы сацыяльны праект “Будучыня пачынаецца сёння!” сумесна з кафедрай педагогікі і псіхалогіі УА МДПУ імя І.П. Шамякіна (загадчык кафедры – кандыдат педагагічных навук, дацэнт Т.У. Паліева) у рамках дзейнасці вучэбна-навукова-інавацыйнага кластара бесперапыннай педагагічнай адукацыі.

Праект распрацаваны аспірантам кафедры педагогікі І.В. Гардзеевай (навуковы кіраўнік – кандыдат педагагічных навук, дацэнт І.А. Царык) і ўключае ў сябе серыю заняткаў для навучэнцаў устаноў агульнай сярэдняй адукацыі.

Мэта праекта – прафілактыка супрацьпраўных паводзінаў падлеткаў. Работа з навучэнцамі накіравана на прафілактыку залежных, агрэсіўных, супрацьпраўных і суіцыдальных паводзінаў. Заняткі праводзяцца з элементамі трэнінгу і ўключаюць такія метады, як case-study, “Роскід думак”, інверсіі, ролевая гульня, рэтраспектыўны аналіз жыццёвага вопыту і г.д.

Асаблівасць праекта заключаецца ў тым, што прафілактычная работа з падлеткамі будуецца праз выкарыстанне сродкаў фізічнай культуры і спорту. У гэтай сувязі да праекта заахвочваюцца студэнты педагагічных спецыяльнасцей УА БДПУ імя М. Танка і УА МДПУ імя І.П. Шамякіна (спецыяльнасць 1–03 02 01 “Фізічная культура” са спецыялізацыямі 1–03 02 01 03 “Фізкультурна-аздараўляльная і турысцка-рэкрэацыйная дзейнасць”, 1–03 02 01 01 “Спецыяльная падрыхтоўка”).

Першы цыкл заняткаў быў праведзены на базе ДУА “Мазырскі цэнтр турызму і краязнаўства дзяцей і моладзі”.