Мозырский государственный педагогический университет имени И.П.Шамякина

Нам вельмі б хацелася, каб наша мова жыла яшчэ шмат стагоддзяў, радавала сваей мілагучнасцю і прыгажосцю іншыя пакаленні. Таму, калi вы любiце родную мову, калi вы хочаце стаць майстрам сваёй справы, тады шлях павiнен прывесці вас на філалагічны факультэт.

Філолаг – гэта духоўна развіты чалавек з глыбокімі гуманітарнымі ведамі. Ён з’яўляецца ўзорам для іншых у валоданні словам, у рэалізацыі моўнай культуры, вуснай і пісьмовай творчасці і таму запатрабаваны ў любым калектыве.

ПЕРСПЕКТЫВЫ НАВУЧАННЯ:

• новыя спецыяльнасці "Беларуская мова і літаратура. Замежная мова (англійская)", "Беларуская мова і літаратура. Замежная мова (нямецкая)" – актуальны і запатрабаваны накірунак вышэйшай лінгвістычнай адукацыі, у рамках якога ажыццяўляецца падрыхтоўка выкладчыкаў дзвюх моў: роднай і замежнай;
• магчымасць атрымаць якасную адукацыю па філалагічных дысцыплінах;
• навучанне ў высокакваліфікаваных выкладчыкаў;
• бліскучыя магчымасці паступлення ў магістратуру і аспірантуру;
• спрыяльныя ўмовы пражывання ў інтэрнаце;
• актыўнае і разнастайнае творчае жыццё студэнтаў: літаратурныя і тэатральныя вечарыны, конкурсы, вандроўкі па Беларусі і г.д.;
• нашы выпускнікі маюць магчымасць працаваць не толькі ў школах, гімназіях, ліцэях, каледжах, вышэйшых навучальных установах, але і ў рэдакцыях газет і часопісаў, на радыё і тэлебачанні, у выдавецкіх цэнтрах і г.д.

Шчыра спадзяёмся, што хутка наша дружная студэнцкая кагорта папоўніцца маладой зменай!

 Калі Вас зацікавіла дадзеная інфармацыя і вам патрэбна дадатковая кансультацыя, звяртайцеся на кафедру беларускага мовазнаўства па тэлефоне (8-0236-325462 (з 8.00 да 16.00).