Навіны

73-я гадавіна Перамогі савецкага народа ў Вялікай Айчыннай вайне

9-5

З 07 па 10 мая 2018 года ва ўстанове адукацыі “Мазырскі дзяржаўны педагагічны ўніверсітэт імя І.П. Шамякіна” адбыліся ўрачыстыя мерапрыемствы, прымеркаваныя да 73-й гадавіны Перамогі савецкага народа ў Вялікай Айчыннай вайне. У вучэбных групах прайшлі інфармацыйныя гадзіны, у бібліятэцы, у навуковай і чытальнай залах універсітэта былі арганізаваны тэматычныя выставы, экспазіцыі, 8 мая адбыўся святочны канцэрт “Памятаем, ганарымся, ушаноўваем”.

Даўно адгрымелі ваенныя гады, дзесяцігоддзі прайшлі з дня заканчэння Вялікай Айчыннай вайны, але подзвіг народа застанецца ў памяці людской назаўсёды. Наша маладое пакаленне памятае і ўшаноўвае подзвіг савецкага народа, з павагай ставіцца да ветэранаў Вялікай Айчыннай вайны.

Падрабязней...

Песні Вялікай Перамогі

        7-63 мая 2018 года ва ўстанове адукацыі “Беларускі дзяржаўны ўніверсітэт транспарту” адбыўся Рэспубліканскі фестываль ваенна-патрыятычнай песні, прысвечаны Дню Перамогі, сярод студэнтаў-грамадзян замежных дзяржаў.

У сценах БелДУТа сабраліся замежныя студэнты з розных вну нашай краіны, каб выканаць песні, танцы, вершы, якія гучалі шмат гадоў назад на франтах вайны і дапамагалі салдатам выжываць.

Выступленне студэнтаў нашага ўніверсітэта не пакінула абыякавым усіх, хто быў у зале. Анагуль Артыкава, студэнтка факультэта фізічнай культуры, і Араеў Істам, студэнт філалагічнага факультэта, выканалі песні “Тальяначка” і “Кацюша”. Ім падпявалі ўсе гледачы, якія сядзелі ў зале.

Дзень Перамогі – гэта свята, якое звязвае ўсе пакаленні, перапаўняючы сэрцы нямногіх ветэранаў, што засталіся жывыя, і іх нашчадкаў радасцю і гонарам за сваю Радзіму.

Падрабязней...

Знаёмства з навуковымі школамі фізіка-інжынернага факультэта

5-5

25 красавіка ў рамках Тыдня маладзёжнай навукі на фізіка-інжынерным факультэце адбыліся сустрэчы кіраўнікоў навуковых школ факультэта са студэнтамі.

Загадчык кафедры фізікі і матэматыкі, доктар тэхнічных навук, прафесар Савенка Уладзімір Сямёнавіч пазнаёміў студэнтаў 3 курса спецыяльнасці “Камп’ютарная фізіка” з асноўнымі дасягненнямі навуковай школы фізікі трываласці і пластычнасці, сусветнымі тэхналагічнымі ўкладамі і тэндэнцыямі развіцця сучаснай навукі і практыкаарыентаванымі тэхналогіямі, а таксама з вынікамі работы ІІ З’езду вучоных Рэспублікі Беларусь, які адбыўся 12–13 снежня 2017 года, і перспектывамі развіцця навукі і вытворчасці ў Рэспубліцы Беларусь.

Падрабязней...

Работа секцыі “Экалогія, біялогія, ахова прыроды: навука і адукацыя. Хімія”

2-1-1

26 красавіка 2018 года на базе тэхнолага-біялагічнага факультэта ў рамках ХХV Міжнароднай студэнцкай навукова-практычнай канферэнцыі “Ад ідэі – да інавацыі” прайшла работа секцыі “Экалогія, біялогія, ахова прыроды: навука і адукацыя. Хімія.

У дадзеным мерапрыемстве прыняло ўдзел 16 студэнтаў сярэдніх і вышэйшых устаноў адукацыі Рэспублікі Беларусь (Беларускі дзяржаўны ўніверсітэт, УА “Рэчыцкі дзяржаўны педагагічны каледж”, УА “Мазырскі дзяржаўны медыцынскі каледж”, УА “Мазырскі дзяржаўны педагагічны ўніверсітэт імя І.П. Шамякіна”). Удзельнікі канферэнцыі выступілі з дакладамі, якія выклікалі іх абмеркаванне ў студэнцкім асяродку. Варта таксама адзначыць вялікую разнастайнасць абраных навуковых накірункаў і глыбіню даследаванняў, праведзеных самімі студэнтамі. Завяршылася работа секцыі ўручэннем дыпломаў і сертыфікатаў удзельнікам канферэнцыі, у прыватнасці, дыпломамі за лепшы секцыйны даклад былі ўзнагароджаны: студэнтка 3 курса БДУ Лявыкіна С.С., студэнтка 3 курса УА МДМК Шапавалава А.В. і студэнтка 2 курса УА МДПУ імя І.П. Шамякіна Жалянгоўская А.М.

Падрабязней...

Педагагічная практыка ў навучальных установах

03-11-1

У адпаведнасці з вучэбным планам і графікам правядзення практык студэнты 3 курса 1–2 групы спецыяльнасцей “Фізічная культура. Спецыяльная падрыхтоўка”, “Фізічная культура. Фізкультурна-аздараўленчая і турысцка-рэкрэацыйная дзейнасць” праходзілі педагагічную практыку ў навучальных установах г. Мазыра з 02.04.2018 па 29.04.2018 г.

Педагагічная практыка дазволіла студэнтам канчаткова пераканацца ў правільнасці выбару будучай прафесіі.

У перыяд праходжання практыкі студэнты выканалі шэраг заданняў па педагогіцы і псіхалогіі, фізічнай культуры, правялі ўрокі па прадмеце “Фізічная культура і здароўе”, а таксама спартыўна-масавае мерапрыемства.

Інфармацыя, атрыманая падчас выканання заданняў практыкі, дазволіла студэнтам павысіць свой прафесійны ўзровень. Таксама студэнты ў працэсе практыкі змаглі ацаніць свае практычныя ўменні.

Падрабязней...

Дадатковая інфармацыя