Навіны

Пашыранае пасяджэнне студэнцкага самакіравання тэхнолага-біялагічнага факультэта

06-04

2 красавіка 2018 года на базе тэхнолага-біялагічнага факультэта адбылося пашыранае пасяджэнне актыву студэнцкага самакіравання, на якім прысутнічалі старшыні і актыў студэнцкага самакіравання факультэтаў і інтэрнатаў універсітэта.

У ходзе пасяджэння ўвага прысутных была акцэнтавана на актуальных праблемах студэнцкага самакіравання тэхнолага-біялагічнага факультэта, абмяркоўваліся варыянты іх вырашэння. Узнімаліся такія актуальныя пытанні, як недапушчэнне курэння на тэрыторыі ўніверсітэта і ў інтэрнатах, узровень падрыхтоўкі да агульнаўніверсітэцкіх мерапрыемстваў і інш.

Неабходна адзначыць, што пасяджэнне актыву студэнцкага самакіравання тэхнолага-біялагічнага факультэта прайшло ў атмасферы зацікаўленасці і ўзаемадапамогі.

Падрабязней...

Сустрэча з выпускнікамі фізіка-інжынернага факультэта

05-1

28.03.2018 на фізіка-інжынерным факультэце адбылася сустрэча прафесарска-выкладчыцкага складу і студэнтаў з выпускнікамі факультэта пад дэвізам “Настаўнік – гэта гучыць ганарова!”.

На сустрэчу былі запрошаны выпускнікі факультэта розных гадоў, якія працуюць ва ўстановах адукацыі Рэспублікі Беларусь: Лобан П.М., Лабунец В.В., Дубіна М.В., Уласенка А.Я., Дуброва М.С., Века В.В., Шышова А.І., Федзяцоў Р.Д., Мамедава Я.В., Федарэнка М.В.

Запрошаныя падзяліліся сваім вопытам работы па дасягненні мэты адукацыйнага працэсу. Цікавасць у студэнтаў выклікалі фізічныя вопыты, прадэманстраваныя настаўнікам фізікі І катэгорыі ДУА “Сярэдняя школа № 16 г. Мазыра” Лобанам Паўлам Міхайлавічам. Дубіна Максім Віктаравіч, настаўнік фізікі вышэйшай катэгорыі ДУА “Сярэдняя школа № 1 г. Фаніпаля” Дзяржынскага раёна, расказаў аб вопыце ўдзелу ў фінале конкурсу прафесійнага майстэрства педагагічных працаўнікоў “Настаўнік года – 2017” у намінацыі “Фізіка, астраномія, матэматыка, інфарматыка” і выказаў удзячнасць выкладчыкам факультэта за добрую падрыхтоўку.

Падрабязней...

Першыя крокі ў прафесію

03-1-1

З 19.02.2018 па 25.03.2018 праходзіла педагагічная практыка студэнтаў 3 курса спецыяльнасці “Руская мова і літаратура” філалагічнага факультэта.

19 пачынаючых педагогаў спрабавалі сябе ў прафесіі пад кіраўніцтвам вопытных настаўнікаў-прадметнікаў. Базамі практык сталі ДУА “Сярэдняя школа № 1 г. Мазыра”, дзе працуе філіял кафедры беларускай і рускай філалогіі, і ДУА “Сярэдняя школа № 8 г. Мазыра”. З гэтымі ўстановамі адукацыі кафедра ажыццяўляе даўняе ўзаемакарыснае супрацоўніцтва. Настаўнікі-філолагі вышэйшай і І катэгорыі (Перапечына Н.Ф., Каткова А.Г., Чарняк Т.І., Кудласевіч Н.М. – ДУА “Сярэдняя школа № 1 г. Мазыра”; Несцярэня В.Г., Шульжэнка І.В. – ДУА “Сярэдняя школа № 8 г. Мазыра”) перадавалі свой педагагічны і творчы вопыт пачынаючым педагогам. А студэнты-практыканты старанна пераймалі лепшыя традыцыі і інавацыйныя методыкі старэйшых калег, рыхтавалі і праводзілі ўрокі розных тыпаў, цікавыя пазакласныя мерапрыемствы.

Падрабязней...

Вынікі пераддыпломнай практыкі студэнтаў тэхнолага-біялагічнага факультэта

04-1

З 15 студзеня па 11 сакавіка 2018 года студэнты 4 курса тэхнолага-біялагічнага факультэта спецыяльнасці “Абслугоўваючая праца і выяўленчае мастацтва” праходзілі педагагічную практыку ў школах г. Мазыра. У рамках праходжання педагагічнай практыкі для студэнтаў-практыкантаў былі арганізаваны і праведзены адкрытыя ўрокі па абслугоўваючай працы настаўнікамі вышэйшай катэгорыі, якія маюць вопыт педагагічнай дзейнасці больш 20 год, з выкарыстаннем гульнёвых метадаў навучання і камп’ютарнай падтрымкі. Базамі практыкі з’яўляліся наступныя ўстановы адукацыі г. Мазыра: СШ № 1, СШ № 7, СШ № 9, СШ № 14. Студэнты ў перыяд праходжання практыкі праводзілі прафарыентацыйную работу, што адлюстравана ў фота- і відэасправаздачах.

Падрабязней...

Прафілактычны праект “Мой стыль жыцця сёння – маё здароўе і поспех заўтра!”

2-04

На працягу тыдня з 26.03.2018 студэнты-валанцёры ўніверсітэта, якія удзельнічаюць у рэспубліканскім праекце “Мой стыль жыцця сёння – маё здароўе і поспех заўтра!”, актыўна праводзілі прафілактычныя мерапрыемствы. Былі закрануты актуальныя праблемы, з якімі сутыкаюцца непаўналетнія, іх бацькі і настаўнікі.

26.03.2018 для студэнтаў, якія пражываюць у інтэрнаце № 1, быў праведзены трэнінг “Гендэрнае выхаванне ў сучасным грамадстве”, накіраваны на замацаванне і развіццё ўяўлення моладзі аб унікальнасці сваёй асобы і гендэрнай прыналежнасці, фарміраванне ў дзяўчат і хлопцаў пазітыўнага стаўлення да сябе і іншых.

27.03.2018 на базе сярэдняй школы № 16 з навучэнцамі 7 класа была праведзена інфасесія “Сям’я і сямейныя каштоўнасці”. У падлеткаў спачатку была магчымасць пазнаёміцца з паняццямі “сям’я”, “сямейныя каштоўнасці”, “ідэальныя бацькі” і “ідэальнае дзіця”, а потым праявіць сваю крэатыўнасць: даць назву сваёй сям’і, намаляваць герб і зрабіць своеасаблівую прэзентацыю.

28.03.2018 Мішура Дыяна, студэнтка 3 курса факультэта дашкольнай і пачатковай адукацыі, праводзіла трэнінг “Сямейныя каштоўнасці” з навучэнцамі 7 класаў СШ № 13, мэта якога – сфарміраваць ва ўдзельнікаў уяўленне пра каштоўнасці ў сучасных сем’ях.

Падрабязней...

Дадатковая інфармацыя