Рэспубліканскі конкурс “Лідэр года”

Подробности: Опубликовано 22.12.2016 09:16

15–16 снежня ў Баранавіцкім дзяржаўным універсітэце адбыўся рэспубліканскі конкурс “Лідэр года”, у рамках якога прайшло пасяджэнне Грамадскага рэспубліканскага Студэнцкага савета пры Міністры адукацыі. Наш універсітэт прадстаўляла Вікторыя Корзун, старшыня студсавета ўніверсітэта, студэнтка 5 курса факультэта дашкольнай і пачатковай адукацыі.

15–16 снежня ў Баранавіцкім дзяржаўным універсітэце адбыўся рэспубліканскі конкурс “Лідэр года”, у рамках якога прайшло пасяджэнне Грамадскага рэспубліканскага Студэнцкага савета пры Міністры адукацыі. Наш універсітэт прадстаўляла Вікторыя Корзун, старшыня студсавета ўніверсітэта, студэнтка 5 курса факультэта дашкольнай і пачатковай адукацыі.

Дыялог у адкрытым фармаце “Актуальныя задачы і накірункі сумеснай работы адміністрацый і маладзёжных актывістаў устаноў вышэйшай адукацыі па развіцці вышэйшай школы ў 2017 годзе” адбыўся з удзелам Наталлі Іванаўны Пшанічнай, начальніка ўпраўлення па справах моладзі Міністэрства адукацыі Рэспублікі Беларусь, і Таццяны Раманаўны Якубовіч, дэпутата Палаты прадстаўнікоў Нацыянальнага сходу Рэспублікі Беларусь. Студэнты змаглі ў фармаце адкрытага дыялогу атрымаць адказы на пытанні, якія іх цікавяць.

16 снежня адбылося пасяджэнне грамадскага рэспубліканскага студэнцкага савета. Яго члены абмеркавалі стратэгію работы арганізацыі ў 2017 годзе, прэзентавалі новыя праекты.

Для ўдзельнікаў мерапрыемства было арганізавана наведванне выставы “Максім Багдановіч. Маладыя жаданні” (у рамках Рэспубліканскага культуралагічнага праекта “Грані творчасці” да Года культуры).